काठमाडौं । सांग्रिला डेभलपमेन्ट बैंकले चालु आर्थिक वर्षको पहिलो त्रैमाससम्ममा ६ करोड १ लाख रुपैयाँ खुद नाफा कमाएको छ । यो नाफा गत वर्षको यसै अवधिमा भन्दा २९.१६% ले धेरै हो ।
बैंकको खुद ब्याज आम्दानी र सञ्चालन नाफा बढ्दा नाफामा सुधार भएको हो । असोजसम्ममा सांग्रिलाको खुद ब्याज आम्दानी २७।६१५ र सञ्चालन नाफा २७.५९% ले बढेको छ ।
यसको इम्पेयरमेन्ट चार्ज भने १७ करोडबाट बढेर ३५ करोड रुपैयाँ पुगेको छ । बैंकको खराब कर्जा पनि बढेर ४.६% कायम भएको छ ।
बैंकको प्रतिसेयर आम्दानी भने १ रुपैयाँ ३२ पैसाले बढेर ७ रुपैयाँ ०२ पैसा कायम भएको छ । सांग्रिलाको प्रतिसेयर नेटवर्थ १४६.९४ रुपैयाँ कायम भएको छ ।
