Jun 20 2025 | २०८२, असार ६गते
काठमाडौं । मुनलाइट हाइड्रोपावर कम्पनीले सर्वसाधारणमा जारी गर्न लागेको प्राथमिक सेयर (आईपीओ) निष्कासन तथा बिक्री प्रबन्धकमा लक्ष्मी सन्राइज क्यापिटल लिमिटेड नियुक्त गरेको छ ।
कम्पनीले बिक्री गरिने १०० रुपैयाँ अंकित दरका एक करोड ७६ लाख १० हजार ५० कित्ता आईपीओ निष्कासन गर्न लागेको हो ।सम्झौतामा लक्ष्मी सन्राइज क्यापिटलको तर्फबाट प्रमुख कार्यकारी अधिकृत विजयलाल श्रेष्ठ र मुनलाइट हाइड्रोपावरको तर्फबाट प्रमुख कार्यकारी अधिकृत अनन्त कार्कीले हस्ताक्षर गरेका हुन् ।
मुनलाइट हाइड्रोपावर कम्पनीको सिन्धुपाल्चोक जिल्लाको जुगल गाउँपालिकामा रहेका २२.१४ मेगावाट क्षमताको बलेफी—ए जलविद्युत् आयोजना निर्माणाधीन छ ।
© 2025 All right reserved to Nayasadak.com | Site By : Sobij
