काठमाडौंँ । जिल्ला प्रहरी कार्यालय पर्साले चोरी निकासी गर्न लागिएको करिब अठार सय किलो चाइनिज लसुन नियन्त्रणमा लिएर वीरगञ्ज भन्सार कार्यालयमा बुझाएको छ ।पर्सा जिल्लाको विन्दवासिनी गाउँपालिका वडा न ३ झौवा एक कुखुरा फर्मबाट चोरी निकासी गर्न लागिएको एक सय २ बोरामा रहेको १७८० किलो चाइनिज लसुन खटिएको प्रहरीले बरामद गरी भन्सार कार्यालयमा बुझाएको हो ।
जिल्ला प्रहरी कार्यालय पर्साका सूचना अधिकारी प्रहरी नायब उपरिक्षक दिपक भारतीले चार लाख असी हजार ६ सय अन्दाजी मूल्य आकलन गरिएको अनधिकृतरूपमा रहेको १७८० किलो चाइनिज लसुन विशेष सूचनाको आधारमा बरामद गरी बुझाइएको बताएका छन् ।
