काठमाडौँ । काठमाडौं महानगरपालिकाले प्रदूषण नियन्त्रण गर्न नयाँ मापदण्ड बनाएको छ।महानगरपालिकाले सबै प्रकारका प्रदूषण नियन्त्रण गर्न ‘काठमाडौं महानगरपालिका प्रदूषण नियन्त्रण मापदण्ड, २०८१’ बनाएको हो । मापदण्ड सवारीसाधनदेखि उद्योग कलकारखानाले पालना गर्नुपर्नेछ ।
मापदण्ड विपरीत प्रदूषण हुने गरी कुनै उद्योग, कलकारखाना, उपकरण वा व्यापार–व्यवसाय चलाए कारबाही हुने महानगरपालिकाले जनाएको छ । महानगरले बिहिबार सूचना जारी गरी मापदण्ड पालना गर्न आग्रह गरेको छ।
वायु प्रदूषणको मूख्य कारकमध्ये सवारीसाधनबाट उत्सर्जन हुने धुवाँ मुख्य भएको र यसले जनस्वास्थ्यमा गम्भीर असर पु¥याउने भएकाले मापदण्ड कार्यान्वयनमा ल्याएको महानगरको भनाइ छ ।महानगरले आफ्नो क्षेत्रभित्र गुड्ने सवारीसाधनको प्रदूषण जाँच गर्नेछ। मापदण्डविपरीत भएमा हरेक पटक एक हजार रुपैयाँ जरिवाना लाग्ने महानगरले जनाएको छ ।
