काठमाडौं । पर्सा प्रहरीले करिब ६९ लाखको औषधि लोड रहेको ट्रक थप अनुसन्धानका लागि राजस्व अनुसन्धान कार्यालय पथलैयामा बुझाएको छ । जिल्ला प्रहरी कार्यलय पर्साले बिल बीजक भन्दा बढीको सामान लोड रहेको ट्रक शंका लागि जाँच गर्दा वीरगञ्ज महानगरपालिका वडान ८ घन्टाघरबाट ना ४ ख २१६० नम्बरको ट्रक नियन्त्रणमा लिइएको जनाएको हो ।
विशेष सूचनाका आधारमा नियन्त्रणमा लिइएको सो ट्रकमा लोड रहेको औषधि र खुद्रा सामानको अन्दाजी मूल्यांकन ६८ लाख ९१ हजार ४ सय ४९ रुपैयाँ गरी थप अनुसन्धानका लागि राजस्व अनुसन्धान कार्यालय पथलैया पठाइएको सूचना अधिकारी प्रहरी नायब उपरिक्षक किशोर लम्सालले जनाएका हुन् ।
