May 10 2025 | २०८२, वैशाख २८गते

May 10 2025 | २०८२, वैशाख २८गते

बागेश्वरी मोटरमार्ग दश दिन बन्द रहने

बागेश्वरी मोटरमार्ग दश दिन बन्द रहने

नयाँ सडक
बिहीबार , मंसिर २० २०८१

बागेश्वरी मोटरमार्ग दश दिन बन्द रहने

दमौली (तनहुँ) । तनहुँको व्यास नगरपालिका–११ स्थित बागेश्वरी सडक दश दिन बन्द गरिने भएको छ । उक्त मार्गको बरभञ्ज्याङदेखि पड्केपसल खण्डमा बक्स कल्भर्ट निर्माण सुरु गरिएकाले दश दिन बन्द गरिएको हो । बुधबारदेखि दश दिनका लागि उक्त खण्डमा सवारीसाधन आवतजावत रोक लगाइएको बागेश्वरी मोटरमार्ग उपभोक्ता समितिका अध्यक्ष विवेक भट्टराईले जानकारी दिनुभयो । उक्त मोटरमार्गको घाँसीकुवादेखि बरभञ्ज्याङसम्म भने सवारीसाधन सञ्चालन गर्न सकिनेछ । उक्त खण्डमा कालोपत्र समेत गर्न लागिएको छ । बाटो खुलेको ३१ वर्षपछि सडक कालोपत्र सुरु गरिएको हो ।

सङ्घीय सरकारबाट रु चार करोड बजेट विनियोजन भएपछि सडकको कालोपत्रलगायत स्तरोन्नतिको काम सुरु गरिएको भट्टराईले बताउनुभयो । व्यास नगरपालिका–११ देखि भानु नगरपालिका–६ जोड्ने खण्डमा सडक स्तरोन्नतिको काम भइरहेको उहाँले बताउनुभयो । पहिलो चरणमा व्यास नगरपालिका–११ शेरादेखि ढुङ्गाखानीसम्म करिब एक किलोमिटर खण्ड कालोपत्र हुनेछ । जसअनुसार पाँच दशमलव पाँचदेखि सात दशमलव पाँच मिटरसम्म चौडाइ र नाला निर्माण गरिने जनाइएको छ । हालसम्म आठ सय ५० मिटर सडक कालोपत्र भइसकेको छ । अध्यक्ष भट्टराईले भन्नुभयो, “सडक खुलेको ३१ वर्षपछि यसको स्तरोन्नतिको काम भइरहेको छ । सडक कालोपत्रसँगै यस भेगका जनतालाई आवतजावतमा सहज हुनेछ । ---

प्रतिक्रिया दिनुहोस

images

ताजा अपडेट

अनुसन्धानात्मक प्रकाशन समूह प्रा. लि.
काठमाण्डौ नेपाल
फोन नम्बर: ०१-४२३९५५०
इमेल : [email protected]
[email protected]
सुचना विभाग दर्ता नम्बर: ४९९ / ०७४-७५

सम्पादक : ज्ञान प्रसाद पौडेल
प्रबन्ध निर्देशक: रत्नमणि दाहाल
अमेरिका: पूर्ण सिंह बराईली

समाचारदाता: एस.एम. पौडेल
के.पि. पौडेल
देव गौतम

© 2025 All right reserved to Nayasadak.com | Site By : Sobij