ग्रीन भेन्चर्स र सर्वोत्तम सिमेन्टले साधारण सभा तथा लाभांश वितरण प्रयोजनार्थ बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो ।
नेप्सेले सर्वोत्तम सिमेन्टको ७ प्रतिशत र ग्रीन भेन्चर्सको १० प्रतिशत बोनस शेयर समायोजन गरेको हो । समायोजन पश्चात गी्रन भेन्चर्सको शेयर मूल्य रू.५१० दशमलव ४५ र सर्वोत्तम सिमेन्टको रू.७१४ दशमलव ६७ कायम भएको छ ।
नेप्सेले बिहीवार कारोबार दिनको अन्तिम मूल्यका आधारमा कम्पनीको शेयर मूल्य समायोजन गरेको हो ।
बिहीवार दोस्रो बजारमा सर्वोत्तम सिमेन्टको शेयर मूल्य रू.७६४ दशमलव ७० र ग्रीन भेन्चर्सको रू.५६१ दशमलव ५० मा अन्तिम कारोबार भएको थियो ।
