Feb 05 2025 | २०८१, माघ २३गते
रसुवा । चीनसँग सीमा जोडिएको मुलुकको उत्तरी भन्सार नाका रसुवाको टिमुरेमा निर्माणाधीन सुक्खा बन्दरगाहको दुई तिहाइ भन्दा बढी काम पूरा भएको छ ।चीन सरकारको आर्थिक तथा प्राविधिक सहयोगमा निर्माण भइरहेको बन्दरगाहको दुई तिहाइ बढी काम पूरा भएको नेपाल इन्टर मोडल यातायात विकास समितिका कार्यकारी निर्देशक आशिष गजुरेलले जानकारी सार्वजनिक गरेका हुन् ।
भोटेकोशी बगरमा सात सय मिटर लामो र साढे पाँच मिटर अग्लो सिमेन्टको पिलरसहित तटबन्ध निर्माण, बन्दरगाह प्रवेश र त्यहाँबाट प्रस्थान गर्ने सहायक मार्गको निर्माण, बगर समथर पार्नेे, गोदामका दुई भवन निर्माण भएका छन् ।आगामी असार मसान्तसम्ममा निर्माण पूरा गर्ने गरी काम द्रुतगतिमा भइरहेको छ । संयुक्त निरीक्षणस्थल, गोदाम भवन, तीन सय मालबाहक र एक सय साना सवारी साधन पार्किङ गर्न सकिने गरी यो सुख्खा बन्दरगाहको निर्माण भइरहको छ ।
© 2025 All right reserved to Nayasadak.com | Site By : Sobij
