काठमाडौँ ।अमेरिकाको सर्वोत्कृष्ट डान्स प्लेटफर्म वल्ड अफ डान्स यूएसएको आयोजनामा भाग लिन नेपालमा छनौट प्रतियोगिताको आयोजना हुन लागेको छ ।मण्डला इन्टरटेनमेन्टले नेपालमा लुकि बसेका  प्रतिभा ‘हिडन ट्यलेन्ट’हरुलाई देशबाट निकालेर अमेरिकामा प्रतिस्पर्धा गर्न यो आयोजना गर्न लागेको जनाएको हो ।

आयोजकले आफ्नो देशको प्रतिनिधित्व गर्दै देशको कला र संस्कृतिलाई डान्सको माध्यमबाट विश्वमा एउटा छुट्टै पहिचान बनाउने सम्भावना रहेको सर्वोकृष्ट डान्स प्लेटफार्म वल्ड अफ डान्स यूएसए सन् २००८बाट सुरु भएको भएको जनाएको छ ।आयोजकका अनुसार यस प्लेटफार्ममा संसारभरका २५ भन्दा बढी देशहरुबाट करिब एक लाख जना डान्सरहरुले सभागिता जनाउने गरेका छन।  यसको फ्रेन्चाइज प्राप्त नेपाल क्वालिफायर्स वल्ड वा डान्स नेपाल , डब्लूओडी नेपालले लिएको जनाएको छ ।

यसको छनोट आयोजना आउँदो माघ २४ बिहिबारका दिन अलोफ्ट होटल  ठमेल काठमाडौंमा हुने आयोजकले जनाएको छ ।यस नेपाल क्वालिफायर्स वल्ड वा डान्स नेपालमा अपर डिभिजित र जुनियर डिभिजन गरी डान्स टयालेन्टहरूको खोजी गरिने जनाइएको छ । १८ वर्ष माथिका लागि अपर डिभिजन र १८ वर्ष मुनिका लागि जुनियर डिभिजन वर्गीकरण गरिएको छ । अपर डिभिजिनमा सोलो, डुओ, ट्रायो र क्वाडमा प्रतिस्पर्धा गर्न पाउने छन् । यसैगरी जुनियर टिमले तीन विधामा सहभागगित जनाउन सक्ने जनाइएको छ ।

उल्लेखित विधाहरुमा ७७ वटै जिल्लाहरुबाट डिजिटल अडिसन मार्फत ३०० भन्दा बढी डान्सरहरुको आवेदन आइसकेको र उक्त आवेदनहरु मध्येवाट छनौट गरी अपर र जुनियर टिमको छनौट गरिनेछ । अपर टिममा  १५ टिम र जुनियरबाट १० टिम बनाइने जनाइएको छ ।  डान्सरहरुले नेपाल क्वालिफायर्समा सहभागिता जनाउँनेछन् । डिजिटल अडिसन मार्फत छनौट भइ नेपाल क्वालिफायर्सको प्रत्येक विधामा सहभागिता जनाउन रु ३०००÷– प्रति डान्सर सहभागिता शुल्क बुझाउनु पर्ने जनाइएको छ ।विजेताहरुले नगद एकलाख , प्रमाण पत्र  र ट्रफि पाउने छन् । अन्यहरूले प्रमाण पत्रलगायतका प्रशंसा पत्र पाउने छन् ।

प्रथम द्वितीय र तृतीय स्थान ओगटनेहरूलाई अमेरिकाको लस एन्जेल्स कन्भेन्सन सेन्टरमा १६ जुलाई देखि २५ जुलाई २०२५को डब्लुओडी वल्ड फाइनल्समा प्रतिनिधित्व गर्ने अवसर प्राप्त हुने डब्लुओडी नेपालका नेशनल डाइरेक्टर रोशन गहतराज र मण्डला इन्टरटेन्मेन्ट्स प्रालिकी सीईओ सजिना तामाङले जानकारी सार्वजनिक गरेका छन् ।