Jan 15 2025 | २०८१, माघ २गते
काठमाडौँ ।अध्यादेश जारी गर्नुपर्ने कारण प्रधानमन्त्री कार्यालयमा आयोजित पत्रकार सम्मेलनमा खुलाइएको छ । मुख्य सचिव एकनारायण अर्यालले सरकारले अध्यादेश जारी गर्नुपर्ने कारणबारे प्रस्ट्याएका हुन् । बुधवार प्रधानमन्त्रीको कार्यालयमा आयोजित पत्रकार सम्मेलनमा मुख्यसचिव अर्यालले पुस २६ गते बसेको मन्त्रिपरिषद् बैठकले विभिन्न ५ अध्यादेश जारी गर्न सिफारिस गरेको बताए ।
‘२९ वटा ऐन संशोधनका लागि सिफारिस भएकामा ती सबै जारी भएका छन्’ मुख्यसचिव अर्यालले जानकारी दिए । उनले अध्यादेश जारी गर्नुपर्ने कारणमा सुशासन कायम गर्न, सरकारी कामकाजको ढिलासुस्ती अन्त्य गर्न, आर्थिक क्षेत्रलाई चलायमान बनाउन, विकास निर्माणको गतिलाई तीव्रता दिन रहेको बताए । साथै उनले सरकारी लगानीको प्रतिफल वृद्धि, स्वदेशी तथा विदेशी लगानी वृद्धि गर्न, सुकुम्वासी र अव्यवस्थित बसोबासको समाधान गर्न अध्यादेश सहयोगी बन्ने बताए ।
© 2025 All right reserved to Nayasadak.com | Site By : Sobij
