Mar 14 2025 | २०८१, फागुन ३०गते
काठमाडौँ । प्रहरीले हुण्डी कारोबार गरेको आरोपमा पर्साबाट एक भारतीय नागरिक पक्राउ परेको छ ।पक्राउ पर्नेमा भारत रक्सौलका २७ वर्षीय ओमकुमार रौनियार छन् । उनलाई वडा प्रहरी कार्यालय बिर्ताबाट खटिएको प्रहरी टोलीले पक्राउ गरेको हो ।
बुधबार दिउँसो साढे ४ बजेतिर बीआर ०५ क्यू ४३८३ नम्बरको मोटरसाइकलमा सवार रहेको बेला उनलाई ६ लाखसहित पक्राउ गरिएको प्रहरीले जनाएको छ ।
पक्राउ परेका रौनियारविरुद्ध मुलुकी फौजदारी अपराध संहिताको दफा १२५ (क) बमोजिम हुण्डी सम्बन्धी कारोबार गर्न नहुने कसुरमा अनुसन्धान अघि बढाइएको छ ।
© 2025 All right reserved to Nayasadak.com | Site By : Sobij
