Apr 04 2025 | २०८१, चैत २२गते
काठमाडौं । सन् २०२५ को पहिलो महिना जनवरीमा गत वर्षको तुलनामा केही बढेर करिब ८० हजार पर्यटक नेपाल भित्रिएका छन् ।नेपाल पर्यटन बोर्डका अनुसार जनवरीमा ७९ हजार ९ सय ९१ पर्यटक नेपाल भ्रमणमा आएका हुन् । २०२४ जनवरीमा ७९ हजार १ सय पर्यटक भित्रिएका थिए ।
समग्र पर्यटक आगमन हेर्दा यस वर्ष पहिलो महिना आगमनमा सुधार भएको देखिन्छ । तर, भारतीय पर्यटक आगमनमा भने कमी आएको छ ।यस वर्ष जनवरीमा भारतबाट २० हजार ४ सय ८५ पर्यटक आए । यो अघिल्लो वर्ष जनवरीको दाँजोमा १५ प्रतिशतले कम हो । अघिल्लो वर्ष जनवरीमा २४ हजार १ सय ३९ भारतीय नेपाल भ्रमणमा आएका थिए ।
पर्यटन बोर्डका निर्देशक मणिराज लामिछाने यस वर्ष धेरै भारतीय पर्यटक कुम्भ मेलामा सहभागी हुन जाँदा नेपालतर्फको आगमन समेत प्रभावित हुन पुगेको अनुमान गर्छन् ।
© 2025 All right reserved to Nayasadak.com | Site By : Sobij
