Apr 04 2025 | २०८१, चैत २२गते
काठमाडौँ । प्रहरीले आधा किलो भन्दा बढी सुनसहित एक भारतीय नागरिकलाई पक्राउ गरेको छ । पक्राउ पर्नेमा भारतीय नागरिक मुकेश महादेव चाँगु रहेका छन् । जिल्ला प्रहरी परिसर काठमाडौंको टोलीले भारतको महाराष्ट्र घर भएका ३० वर्षीय चाँगुलाई आइतबार पक्राउ गरेको हो ।
काठमाडौंको कागेश्वरी मनोहरा नगरपालिका–९ बस्दै आएका उनलाई पक्राउ गरेर राजस्व अनुसन्धान विभाग हरिहर भवन पठाइएको परिसरका एसपी तथा प्रवक्ता अपिलराज बोहोराले जानकारी सार्वजनिक गरेका हुन् ।
प्रहरीले ७६१.६६ ग्राम सुन र ३ किलो १ सय ग्राम अवैध चाँदी पनि बरामद भएको छ । साथै उनीबाट ५ लाख १० हजार नगद पनि बरामद भएको छ ।विदेशबाट आएका व्यक्तिहरुको सुन किनेर उनले बेच्ने गरेको जनाइएको छ ।
© 2025 All right reserved to Nayasadak.com | Site By : Sobij
