काठमाडौँ । सरकारले सुपारी , मरिच, छोकडा र केराउ आयात खुला गरेको छ । आर्थिक वर्ष २०८१/८२ मा औद्योगिक प्रयोजनका लागि भन्दै सरकारले सुपारी , केराउ, सेतो र कालो मरिच, छोकडाको आयात खुला गरेको  हो ।

उद्योग वाणिज्य तथा आपूर्ति मन्त्रालय स्रोतले उक्त वस्तुहरूको आयात खुला गरिएको जनाएको हो ।विदेशी मुद्राको सञ्चिति अत्याधिक बढेकोले औद्योगिक प्रयोजनका लागि सुपारी, मरिच, केराउ र छोकडालगायतका वस्तुहरूको आयात खुला गरिएको हुन सक्ने विज्ञहरूको भनाइ छ ।

तर कसैलाई कति दिने भने  खुलाइएको छैन् । यसको आसय सबै उद्योगीहरूले अनुकूलतामा उक्त वस्तुहरू ल्याउन सक्ने छन् ।यसले चोरी तस्करी नियन्त्रण हुनुको सट्टा चोरी तस्करी झन् मौलाउने विज्ञहरूको भनाइ छ ।

सरकारले २०७६ चैत २४मा निकासी पैठारी नियन्त्रण ऐन २०१३को दफा ३ (१)बमोजिम वस्तु पैठारीमा बन्देज लगाएको थियो । तत्कालीन अर्थमन्त्री डा. युवराज खतिवडाले  कोभिड महामारी बढेका बेला विदेशी विनिमय सञ्चिति बढाउन भन्दै यी वस्तुहरूको पैठारीमा बन्देज लगाएका थिए । २०७७ चैत ९ मा राजपत्रमा सूचना प्रकाशित गरेर ऊक्त बन्देजमा परिवर्तन गरी परिमाणात्मक बन्देज लगाइएको थियो । त्यसपछि उत्पादनमूलक उद्योगलाई औद्योगिक प्रयोजनका लागि आवश्यक पर्ने कच्चा पदार्थ सुपारी, मरिच, केराउ र छोकडा लगायतका वस्तुको पैठारीलाई व्यवस्थित गर्ने कार्यविधि २०७८ बनाएरै आयात अनुमति दिइएको थियो । कार्यविधि बनाएरै सरकारले ठुलो व्यवसायिक लबिङपछि बेला बेलामा  पैठारी अनुमति दिने गरिएको थियो । अनुमति दिँदा ठुलो व्यवसायिक लबिङ, बिचौलियाहरूको प्रभाव, ठुलो आर्थिक लेनदेन हुनेगरेको सम्बद्ध विज्ञहरूको भनाइ छ ।
मन्त्रालय स्रोतका अनुसार गत साता  उत्पादनमूलक उद्योगलाई औद्योगिक प्रयोजनका लागि कच्चा पदार्थको रुपमा सुपारी, मरिच, केराउ र छोकडा पैठारी गर्न अनुमति दिने मन्त्रालयको निर्णयमा उल्लेख छ ।तर कसैलाई कति दिने भने  खुलाइएको छैन् । यसको आसय सबै उद्योगीहरूले अनुकूलतामा उक्त वस्तुहरू ल्याउन सक्ने छन् ।यसले चोरी तस्करी नियन्त्रण हुनुको सट्टा चोरी तस्करी झन् मौलाउने विज्ञहरूको भनाइ छ ।