ढोरपाटनमा हिमपात

ढोरपाटन (बागलुङ)। यहाँको ढोरपाटनमा यस वर्ष पहिलो पटक हिमपात भएको छ । लामो समयको खडेरीपछि आइतबार साँझदेखि वर्षासँगै यहाँ हिमपात भएको हो । हिमपातका कारण यसक्षेत्रमा चिसो बढेको छ । हिमपात भएपछि बालीनाली फस्टाउने आशामा किसान हर्षित भएका छन् । हिमपातले ढोरपाटन उपत्यकासहित आसपासका क्षेत्र सेताम्य भएको ढोरपाटन सिकार आरक्षका रेन्जर विनोद विकले जानकारी दिनुभयो ।

हिमपातका कारण जनजीवन कष्टकर भएको छ । गत शुक्रबारदेखि मौसममा खराबी आए पनि आइतबार साँझ मात्रै वर्षासहित हिमपात भएको विकले बताउनुभयो । हिमपातले गर्दा घोडा खच्चड तथा वस्तुभाउलाई घाँस दान हाल्नसमेत गाह्रो भएको ढोरपाटन नगरपालिका–९ ढोरपाटनका प्रेमबहादुर घर्ती मगरले बताउनुभयो । गत महिना सामान्य वर्षा भए पनि हिमपात हुन सकेको थिएन । वर्षासहितको हिमपातले बालीनाली राम्रो हुने घर्ती बताउनुहुन्छ । उहाँले भन्नुभयो, “लामो समय खडेरी प-यो, खडेरीका कारण बारीमा लगाएको बालीनाली सबै सुक्न थालेका थिए, ढिलै भए पनि पानी प-यो ।” ---

प्रतिक्रिया दिनुहोस

ताजा अपडेट

ढोरपाटनमा हिमपात

ढोरपाटनमा हिमपात

१

हेटौंडा सिमेन्ट उद्योग चैत २३ देखि नियमित सञ्चालनमा आउने

२

नयाँसडक बुलेटिन : यस्ता छन् चैत २१ बिहीबार मुख्यमुख्य आर्थिक समाचारहरू ...

३

विन नेपाल लघुवित्तको एफपीओमा पहिलो दिनमै १०७.३० गुणा बढी आवेदन

४

Ban imposed on export of some Nepali goods to India lifted

५

Flights to and from TIA adversely affected due to haze