Apr 03 2025 | २०८१, चैत २१गते
काठमाडौँ । राजस्व छलेर ल्याइएका मालवस्तुको लिलामी छिट्टो गर्नुपर्ने माग संसदमा उठाइएको छ । प्रतिनिधिसभा सदस्य ध्रुवबहादुर खनालले भन्सार कार्यालयले जफत गरेका सामान समयमै लिलाम गरेर राजस्व संकलन बढाउन पर्ने सरकारको ध्यानार्कषण गराएका हुन् । बैठकको आकस्मिक समयमा बोल्दै सांसद खनालले राजस्व छलेर ल्याइएका सामानलाई नेपाल प्रहरी र सशस्त्र प्रहरीले जफत गरेका छन् । लामो समयसम्म पनि ती सामान लिलामी बिक्री नहुँदा खेर जाने गरेको छ । ती मालवस्तुको लिलामी समयमै गरिँदै राजस्व उठ्ने र मालवस्तु काममा आउने उनको भनाइ थियो ।
उनले भने अनुसार महेशपुरमा रु ५० लाख बराबरको चिनी जम्मा भएको छ । समयमा लिलाम गर्न नसक्दा त्यसलाई नष्ट गर्न उल्टै रु पाँच लाख लाग्ने भयो । देशभरका अन्य भन्सारमा ट्रक, मोटरसाइकललगायत सवारीसाधन खिया लागेको अवस्थामा छन् । सरकारको राजस्व खेर गइरहेको छ ।
यसैगरी सांसद रञ्जुकुमारी झाले पाथीभरामा केबलकार निर्माणका क्रममा देखिएको विवाद वार्तामार्फत समाधान गर्नुपर्ने माग गरिन् । प्रतिनिधिसभाको सोमबारको बैठकको शून्य समयमा उनले सरकार र आन्दोलनरत पक्षबीच समस्या समाधान वार्तामार्फत हुनुपर्ने माग गर्दै सरकारको ध्यानाकर्षण गराइन् ।साथै सांसद झाले मुलुकलाई ‘ग्रे–लिस्ट’बाट हटाउन सरकारले आवश्यक कदम चाल्नुपर्नेमा समेत जोड दिइन् ।
© 2025 All right reserved to Nayasadak.com | Site By : Sobij
