Apr 03 2025 | २०८१, चैत २१गते
काठमाडौँ । प्रतिनिधिसभाद्वारा बजेट आउनु एक महिनाअघि प्रि–बजेट छलफल सक्नुपर्ने अध्यादेश स्वीकृत गरिएको छ ।सरकारले २९ पुसमा आर्थिक कार्यविधि तथा वित्तीय उत्तरदायित्व (पहिलो संशोधन) अध्यादेशसहित चार वटा अध्यादेश ल्याएको थियो । बुधबार यो अध्यादेश प्रतिनिधि सभामा निर्णयार्थ प्रस्तुत गर्दा बहुमतले स्वीकृत गरेको हो ।
उक्त अध्यादेशमा बजेट आउनु एक महिना अघि प्रि–बजेट छलफल सक्नुपर्ने लगायतका प्रावधानहरू छन् । नेपालमा प्रत्येक वर्ष जेठको १५ गते बजेट ल्याउने व्यवस्था छ । अध्यादेश अनुसार अब वैशाख १५ गते अगावै प्रि–बजेट छलफल सक्नुपर्ने भएको छ ।
सरकारले यसअघि ल्याइएको तीन महिना अगावै प्रि–बजेट छलफल गरिसक्नुपर्ने प्रावधान सहितको अध्यादेशमा संशोधन गरी एक महिना अघि सक्नुपर्ने प्रावधान ल्याएको थियो । जसलाई प्रतिनिधि सभाले बहुमतले स्वीकृत गरेको छ ।
© 2025 All right reserved to Nayasadak.com | Site By : Sobij
