काठमाडौँ । राजस्व अनुसन्धान विभागले चोरी तस्करी नियन्त्रण र राजस्व छली गर्नेहरू विरुद्ध आक्रामक देखिएको छ । पछिल्लो समय विभाग चोरी तस्करी नियन्त्रण, राजस्व छली गर्नेहरू र विदेशी विनिमय  अपचलन गर्नेहरू विरुद्ध आक्रामक देखिएको हो ।

पछिल्लो आठ महिनामा राजस्व अनुसन्धान विभागले ४८.५७ प्रतिशत मुद्दा फर्छयौट गरेको छ । अनुसन्धान विभागले यस बीचमा १४० जनालाई प्रतिवादी बनाइ २९ ओटा मुद्दामा १ अर्ब  तीन करोड ५१ लाख २२ हजार १ सय २२ रुपैयाँ  बिगो र बिगोको शतप्रतिशत सजाय मागदाबी गरी २ अर्ब ७ करोड २ लाख ४४ हजार २ सय ४४ रुपैया बराबरको मुद्दा दायर गरेको छ ।

राजस्व अनुसन्धान विभागद्वारा चालु आवको ८ महिनामा  दुई अर्ब बढीको मुद्दा दायर,७४ करोड बढी रुपैयाँ धरौटी माग गरिएको छ 

विभागले  आठ महिनाको अवधिमा ७४ करोड १९ लाख ९५ हजार ८ सय पैँतालिस रुपैयाँ धरौटी माग गरेको  छ । यस्तै विभागले आठ महिनाको अवधिमा विदेशी विनिमय अपचलनमा १३ प्रतिशत भन्दा बढी उजुरी फर्छयौट गरिसकेको छ । विभागले ५९ वटा मुद्दा दायर गरेको छ भने ९४ जनालाई प्रतिवादी बनाएको छ । विदेशी विनिमय अपचलनतर्फ विभागले ७० करोड ३९ लाख २९ हजार २ सय ३७ रुपैयाँ बिगो कायम गरी दुई अर्ब ११ करोड ४७ लाख ८८ हजार ९ सय १० रुपैयाँ मागदाबी गरी ५९वटा मुद्दा दायर गरेको छ । विभागले यो बीचमा भीसीटीएस अपचलन तर्फ  तीन करोड २९ लाख ७३ हजार जरिवाना गराएको छ ।राजस्व अनुसन्धान विभागका महानिर्देशक चण्डीप्रसाद घिमिरेका अनुसार विभागले चोरी तस्करी नियन्त्रण, राजस्व छली तथा विदेशी विनिमय अपचलन गर्ने विरुद्ध विभाग र विभाग मातहतका कार्यालयहरू आक्रामक भएर लागेको नयाँ सडकलाई बताए । 

ठुला माछाहरू जालमा पार्दै अनुसन्धान विभाग:

राजस्व छली, विदेशी विनिमय अपचलन गर्ने विरुद्ध  आक्रामक बनेको राजस्व अनुसन्धान विभागको ध्यान  ठुला माछाहरू तर्फ तेर्सिएको छ । विभागले विभिन्न समयमा प्रहरी र विभाग स्वयम्ले बरामद गरेको इलेक्ट्रोनिक चुरोट (भेप)को अनुसन्धान टुंग्याएको छ । गत पुस १९ गते मुस्ताङबाट ल्याएको १९ हजार भेपको अनुसन्धान टुंग्याएर भेपका मालिक घ्यान्चो गुरुङ, टासी नोगु्र गुरुङ विरुद्ध चार करोड ६६ लाख १२ हजार ४६ रुपैयाँ बिगो  र बिगोको शतप्रतिशत जरिवाना कायम गरी गत फागुन ९ गते  विभागले मुद्दा दायर गरिसकेको छ ।

यस्तै राजस्व अनुसन्धान विभागले पुसको दोस्रो हप्ता ललितपुरको इमाडोलमा रहेको एक फर्ममा छापा हानी ८६ हजार ४सय भेप बरामद गरेको थियो । उक्त भेपका वास्तविक मालिक र उक्त प्रकरणमा जोडिएकाहरूको अनुसन्धान अन्तिम चरणमा पु¥याएको विभागले छिट्टै २१ करोड माथिको मुद्दा लाँदै छ ।

८६ हजार ४सय भेप बरामद गरेको थियो । उक्त भेपका वास्तविक मालिक र उक्त प्रकरणमा जोडिएकाहरूको अनुसन्धान अन्तिम चरणमा पु¥याएको विभागले छिट्टै २१ करोड माथिको मुद्दा लाँदै छ

यसैगरी राजस्व अनुसन्धान विभागले नकली भ्याट बिलको कारोबार गर्नेहरू विरुद्धको अनुसन्धान अन्तिम चरणमा पु¥याएको छ । झण्डै आधा अर्ब बढीको मुद्दा लैजाने तयारी गरेको विभागले नकली भ्याट बिल प्रकरण र त्यसमा संलग्नहरूको समेत अनुसन्धान अन्तिम चरणमा पु¥याएको छ । विभागले यो बीचमा आधा दर्जन मुद्दा लाने तयारी गरेको स्रोतले बताएको छ । तयारी मालवस्तु ल्याउने र कच्चा पदार्थ भन्दै राजस्व छली गर्ने विरुद्ध पनि राजस्व विभाग आक्रामक देखिएको छ । नकली मदिराको कारोबार गर्ने, मदिरामा प्रयोग हुने राजस्वको स्टिकर नकली बनाइ राजस्व छली गर्ने विरुद्ध राजस्व अनुसन्धान विभागले कारबाही गरेको छ ।

ट्रकमा बरामद भएको २५ करोडको वास्तविक मालिकसम्म पुग्यो अनुसन्धान विभाग:

काठमाडौँको  टोखा नगरपालिका झोरबाट ट्रकमा  बरामद भएको २५ करोड रुपैयाँ बराबरको  विदेशी मुद्राको मालिकसम्म राजस्व अनुसन्धान विभाग पुगेको छ ।राजस्व अनुसन्धान विभागका महानिर्देशक चण्डीप्रसाद घिमिरेले  सिन्धुपाल्चोक जिल्ला साबिक फुल्पीङकट्टी वडा न ४ हाल भोटेकोशी गाउँपालिका वडा न ४ स्थायी वतन भइ हाल काठमाडौँ जिल्ला टोखा नगरपालिका वडान १० महादेव टार हाइट बस्ने नारायण पौडेल (नाप्रनं. ९८३/०७ /११८४ जारी मिति २०४६ /०१/२१) २५ करोडको मालिक भएको बताए ।