काठमाडौं । बहुक्षेत्रीय प्राविधिक र आर्थिक सहयोगका लागि बंगालको खाडीको पहल (बिमस्टेक) को छैटौं शिखर सम्मेलन हालै बैंककमा सम्पन्न भएको छ। सम्मेलनको समापनसँगै ूबैंकक सोचपत्र, २०३०ू जारी गरिएको छ, जसले यस क्षेत्रको व्यापारिक विस्तार, सम्पर्क सञ्जाल र मानवीय सुरक्षामा बल पुर्याउने उद्देश्य राखेको छ। सम्मेलनले समृद्धि, लचिलोपन र खुलापनका सन्देशलाई समेट्दै बिमस्टेक बैंकक भिजनसहित ६ बुँदे प्रस्ताव पारित गरेको छ।

थाइल्यान्डका प्रधानमन्त्री पेथोङ्थान सिनावात्राले पत्रकार सम्मेलनको माध्यमबाट पारित प्रस्तावहरूको विस्तृत जानकारी प्रस्तुत गरेकी थिइन्। प्रस्तावमा प्रमुख कुरा बिमस्टेकको कार्यक्षमता वृद्धि गर्न नयाँ संयन्त्रको स्थापना, भविष्य निर्धारणको लागि प्रबुद्ध व्यक्तिहरूको समूह ९ईपीजी० गठन, म्यारिटाइम ट्रान्सपोर्ट सम्झौतामा हस्ताक्षर, र भूकम्पबाट प्रभावित म्यानमार र थाइल्यान्डलाई सहयोगको आवश्यकता रहेकोमा संयुक्त वक्तव्यका रूपमा समेटिएको छ। साथै, पर्यटन र सांस्कृतिक सम्पर्कलाई प्राथमिकता दिँदै जनताबीचको सञ्जाल विस्तारका उपायहरू पनि छलफलमा आएका छन्।

थाइल्यान्डको प्रधानमन्त्री शिनावात्राले शिखर सम्मेलनको अवधिमा नेपालका प्रधानमन्त्री केपी शर्मा ओलीको थाइल्यान्डको पहिलो औपचारिक भ्रमणलाई महत्वपूर्ण मान्दै दुई देशका बीचका सम्बन्धमा नयाँ आयाम थपिएको बताइन्। प्रधानमन्त्री ओलीले ‘बिमस्टेक’ शिखर सम्मेलनका मुख्य विषय र नेपालको राष्ट्रिय उद्देश्य ूसमृद्ध नेपाल, सुखी नेपालीू को सन्देशको एकता बारे विचार व्यक्त गरेका थिए।

सम्मेलनमा सम्बोधन गर्दै, ओलीले बिमस्टेकका तीन आधार स्तम्भ – समृद्धि, लचिलोपन र खुलापन – नेपालको दिगो विकास लक्ष्य र राष्ट्रिय आकांक्षासँग गहिरो समानता राख्ने कुरा स्पष्ट गरेका थिए। उनले थपे, ूहाम्रो क्षेत्रीय सहयोगको पुनःजीवित गर्नका लागि बिमस्टेकले परिवर्तनशील समयको अवसरलाई सदुपयोग गर्न आवश्यक छ। म विश्वास गर्छु कि यो शिखर सम्मेलन हामीलाई जनताको कल्याण र समृद्धिको दिशामा महत्वपूर्ण मापदण्ड दिन्छ।ू

ओलीले यस क्षेत्रका अर्थतन्त्रहरू विविध रहेका कारण विशेष आवश्यकताका भएका सदस्य राष्ट्रहरूलाई प्राथमिकतामा राखेर सहयोग गर्न आग्रह गरेका छन्। उनले जलवायु परिवर्तनको असर र यसले सम्पूर्ण मानवता र यहाँका पहाडको अवस्था निर्माण गरेको विषयमा पनि चिन्ता व्यक्त गरे। नेपालका हिमालय क्षेत्रले विश्वव्यापी तापमान घटाउने योगदान दिँदै पनि असमान प्रभाव भोगिरहेको उनले उल्लेख गरे। ूपहाडहरूमा मात्र नभइ तल्लो तराई र तटीय क्षेत्रहरूमा पनि यसको असर फैलिएको छ,ू उनले भने।

अन्त्यमा, ओलीले नेपालले आगामी मे महिनामा आयोजना गर्न लागेको ‘सगरमाथा संवाद’को पहिलो संस्करणको बारेमा जानकारी दिए, जसले पहाड र महासागरको सम्बन्धमा वैश्विक ध्यान आकर्षित गर्ने उद्देश्य राख्दछ।