Apr 07 2025 | २०८१, चैत २५गते
काठमाडौँ । बालिकाहरूका लागि खाद्यान्न तथा न्यानो लुगा सहयोग वितरण गरिएको छ । इमाडोल स्थित साझा सहयात्री संस्थाका बालिकाहरूलाई ती न्यानो लुगाहरू एक कार्यक्रमको आयोजना गरी दिइएको हो ।
साहित्यकार अशोक शोकी , समाजसेवी पूर्णमान महर्जन र राममाया महर्जनले संयुक्तरूपमा ती बालिकाहरूका लागि खाद्यान्न तथा न्यानो लुगा उपलब्ध गराएका हुन् ।
बालिकाहरूलाई आश्रय दिने साझा सहयात्री सस्थाकी सञ्चालिका गीता केसी ले सहयोग गर्नेहरूप्रति आभार व्यत्त गरेकी थिईन ।
कार्यक्रममा संस्थाकी सञ्चालिकाहरूले बालिकाहरूको हेरचाह र शिक्षा दिक्षामा ध्यान दिने गरिएको बताएकी थिइन् । १५ बालिकाहरूको हेरचाह र शिक्षा दिक्षामा संस्थाले ध्यान दिइरहेको केसीले बताइन् ।
२०७८ सालदेखि स्थापना भएको सो संस्थाले सेवा दिँदै आएको छ । उक्त कार्यक्रममा पत्रकार रत्नमणि दाहाल र रामदास महर्जनको उपस्थितिमा सम्पन्न गरिएको थियो ।
© 2025 All right reserved to Nayasadak.com | Site By : Sobij
