Jul 11 2025 | २०८२, असार २७गते
काठमाडौँ । नेपाल धितोपत्र बोर्डले बुटवल पावर कम्पनीलाई न्यादी हाइड्रोपावरको सेयर बिक्री प्रक्रिया तत्काल स्थगन गर्न निर्देशन दिएको छ। बुटवल पावरले आफ्नो स्वामित्वमा रहेको न्यादी हाइड्रोपावरको ३१ लाख कित्ता सेयर बिक्री गर्ने घोषणा गरेको थियो। तर सो कम्पनीका केही सञ्चालकहरू न्यादी हाइड्रोपावरमै सञ्चालक रहेका कारण हितसम्बन्धको सम्भावित द्वन्द्व देखिएको भन्दै बोर्डले उक्त बिक्री प्रक्रिया नियमनविपरीत भएको ठहर गरेको हो। धितोपत्र दर्ता तथा निष्कासन नियमावली, २०७३ को प्रावधान उल्लंघन भएको ठहर गर्दै बोर्डले कम्पनीसँग स्पष्ट धारणा र आवश्यक विवरण पेश गर्न समेत माग गरेको छ। हाललाई सेयर बिक्री प्रक्रिया रोक्न बोर्डले औपचारिक निर्देशन दिएको छ।
© 2025 All right reserved to Nayasadak.com | Site By : Sobij
