Jun 05 2025 | २०८२, जेठ २२गते
काठमाडौं । नेपाली बजारमा आज सुनको भाउ एकैदिन तोलामा २,९०० रुपैयाँले वृद्धि भएको छ। नेपाल सुन–चाँदी व्यवसायी महासंघका अनुसार, छापावाल सुनको मूल्य बढेर प्रतितोला १ लाख ९२ हजार ७०० रुपैयाँ पुगेको छ।
यसअघि, सोमबार छापावाल सुनको मूल्य १ लाख ८९ हजार ८०० रुपैयाँ थियो।सुनसँगै चाँदीको मूल्यमा पनि उल्लेख्य वृद्धि भएको छ। चाँदी तोलामा ५५ रुपैयाँले बढेर २ हजार ४५ रुपैयाँ पुगेको हो। सोमबार चाँदीको भाउ १ हजार ९९० रुपैयाँ थियो।
सुनचाँदीको भाउमा भएको यो वृद्धि अन्तर्राष्ट्रिय बजारमा देखिएको मूल्यवृद्धिको असरका रूपमा लिइएको छ। पछिल्लो समय अमेरिका लगायत प्रमुख अर्थतन्त्रमा ब्याजदर, मुद्रास्फीति, र आर्थिक अनिश्चितताका कारण विश्व बजारमा सुनको माग बढ्दै गएको छ।
© 2025 All right reserved to Nayasadak.com | Site By : Sobij
