Jul 13 2025 | २०८२, असार २९गते
काठमाडौं । श्वेतगंगा हाइड्रोपावर एन्ड कन्स्ट्रक्सन लिमिटेडको संस्थापक सेयर, स्थानीय बासिन्दा तथा कर्मचारीलाई बाँडिएको सेयरको 'लक इन' अवधि आगामी साउन १७ गते समाप्त हुँदैछ। उक्त मितिपछि उनीहरूले होल्ड गरेका सेयरहरू नेपाल स्टक एक्सचेञ्ज (नेप्से) मा कारोबार गर्न सक्नेछन्।
कम्पनीले सर्वसाधारणलाई सेयर निष्कासन गरेपछि नियमानुसार ३ वर्षसम्म संस्थापक, स्थानीय बासिन्दा र कर्मचारीको सेयर ;लक इन'मा राख्नुपर्ने व्यवस्था छ। यस अवधिमा उनीहरूले आफ्नो सेयर बिक्री गर्न पाउँदैनन्। अब उक्त अवधि सकिन लागेको हुँदा ७३ लाख कित्ता संस्थापक सेयर, १५ लाख ९३ हजार कित्ता स्थानीय बासिन्दाको सेयर र ७ लाख ९६ हजार ५०० कित्ता कर्मचारीको सेयर बजारमा कारोबारका लागि खुला हुने छ।
© 2025 All right reserved to Nayasadak.com | Site By : Sobij
