Jul 29 2025 | २०८२, साउन १३गते
काठमाडौँ । राजस्व अनुसन्धान विभागले काठमाडौँको विशाल बजारस्थित ऋद्धिसिद्ध ज्वेलर्समा छापा हानेको छ । विभागको टोलीले आज ऋद्धिसिद्धि ज्वेलर्समा छापा हानेको हो ।
राजस्व अनुसन्धान विभाग स्रोतका अनुसार ऋद्धिसिद्ध ज्वेलर्समा छापा हानी कागजपत्र र कम्प्युटर नियन्त्रणमा लिइएको छ । विभागले खरिद बिक्री विवरण चुस्तदुरुस्त नराखेको , राजस्व छलेकोलगायतको गुनासो आएपछि अनुसन्धानका लागि छापा हानिएको विभाग स्रोतले बताएको छ ।
विगत लामो समयदेखि सुन व्यवसायी र ऋद्धिसिद्ध ज्वेलर्सका सञ्चालक नरेन्द्र गुप्ताबीच विवाद चल्दै आएको थियो ।ऋद्धिसिद्ध ज्वेलर्सले जर्तीको छुट्टै मूल्य लिन नहुने , बिलमै जर्ती र ज्याला खुलाउनुपर्ने लगायतका मुद्दा उठाउँदै आएको थियो । ज्याला र जर्तीको पारदर्शीको विषयमा नेपाल सुनचाँदी व्यवसायी महासंघ र ऋद्धिसिद्ध ज्वेलर्सबीच विवाद हुँदै आएको थियो ।
© 2025 All right reserved to Nayasadak.com | Site By : Sobij
