विराटनगर। ले गत आर्थिक वर्ष २०८१/८२ मा नौ हजार चार सय ६१ वटा मुद्दा दर्ता भई छ हजार एक सय ६९ वटा फर्छौट भएको जनाएको छ । यसैगरी यही २०८२ वैशाखदेखि साउन १५ गतेसम्म दुई हजार तीन सय वटा मुद्दा दर्ता भई सात सय ७८ वटा फछ्यौट भएको छ । प्रदेश प्रहरी कार्यालयका अनुसार अघिल्लो आर्थिक वर्षमा नौ हजार तीन सय ८७ मुद्दा दर्ता भई पाँच हजार ६९५ वटा फछ्र्यौट भएको थियो । गत आर्थिक वर्ष २०८१/८२ मा अदालतबाट कैद फैसलाको सजाय भएका तीन हजार पाँच सय १३ जना फरार अभियुक्तलाई पक्राउ गरी रु १४ करोड ७७ लाख ५४ हजार राजस्व सङ्कलन गरेको प्रहरी नायब महानिरीक्षक ईश्वर कार्कीले जानकारी दिनुभयो । उहाँका अनुसार अघिल्लो आर्थिक वर्षको तुलनामा गत आर्थिक वर्षमा ४७ दशमलव ३४ प्रतिशत बढी फरार अभियुक्र पक्राउ गर्न प्रहरी सफल भएको छ । प्रहरी नायब महानिरीक्षक कार्कीले प्रदेशभित्रको शान्ति सुरक्षासहित सुव्यवस्था एवं अमनचयन कायम गर्न सक्दो प्रयास गरिरहेको र उल्लेखनीय सफलता प्राप्त भएको जानकारी दिनुभयो ।

कोशी प्रदेशमा गत आर्थिक वर्ष भन्सार चोरी निकासीबाट रु २० करोड चार लाख २० हजार, अवैध रकमबाट रु ६३ लाख ३५ हजार, हुण्डी कारोबारबाट रु एक करोड पाँच लाख ३३ हजार, प्राकृतिक सम्पदा नदीजन्य पदार्थबाट रु २३ लाख ७३ हजार, काठ बरामदबाट रु ३९ लाख, फैसला कार्यान्वयबाट रु १४ करोड ७७ लाख ५४ हजार र ट्राफिक जरिवनाबाट रु १६ करोड २९ लाख ७१ हजार राजस्व सङ्कलन भएको छ । भन्सार चोरी निकासी तथा पैठारीमा अघिल्लो आर्थिक वर्षको तुलनामा गत आर्थिक वर्षमा ६१ दशमलव ९५ प्रतिशत र अवैध रकम बरामदतर्फ १९२ प्रतिशतले वृद्धि भएको प्रदेश प्रहरी कार्यालयले स्पष्ट गरेको छ । यसैगरी, कोशी प्रदेशमा कूल पाँच हजार ६२६ सवारी दुर्घटना भई चार सय १८ जनाको मृत्यु र नौ हजार दुई सय ४९ जना घाइते भएको नायब प्रहरी महानिरीक्षक कार्कीले जानकारी दिनुभयो । चेतनामूलक कार्यक्रमसहित प्रहरीको सक्रिय अनुगमनका कारण कोशी प्रदेशमा अघिल्लो वर्षको तुलनामा छ दशमलव आठ प्रतिशतले आत्महत्याको दर घटेको पनि प्रहरीले जनाएको छ । ––––