काठमाडौं। नेपाल स्टक एक्सचेञ्ज (नेप्से) मा हातवे इन्भेष्टमेन्ट (HATHY) र चार म्युचुअल फण्डहरुको मूल्य समायोजन गरिएको छ। समायोजनअन्तर्गत हातवे इन्भेष्टमेन्टको १२ प्रतिशत बोनस शेयर समायोजन गरिएको छ भने सिटिजन्स सुपर ३० म्युचुअल फण्ड (C30MF) को १२.७५ प्रतिशत, प्रभु सेलेक्ट फण्डको १२ प्रतिशत, एनएमबि सुलभ इन्भेष्टमेन्ट फण्ड २ (NSIF2) को १५ प्रतिशत र एनएमबि ५० (NMB50) को १५ प्रतिशत नगद लाभांश समायोजन गरिएको छ।

समायोजनपश्चात नयाँ मूल्यहरु यस प्रकार छन्:

• हातवे इन्भेष्टमेन्ट (HATHY): रु १,१२४.१०

• सिटिजन्स सुपर ३० (C30MF): रु ८.९०

• प्रभु सेलेक्ट (PSF): रु १०.४०

• एनएमबि सुलभ इन्भेष्टमेन्ट फण्ड २ (NSIF2): रु ९.८८

• एनएमबि ५० (NMB50): रु ९.९२

अघिल्लो कारोबार दिनको अन्तिम मूल्य अनुसार हातवेको शेयर रु १,२५८.९९, सिटिजन्स सुपर ३० रु १०.१७, प्रभु सेलेक्ट रु ११.६०, एनएमबि सुलभ रु ११.३८ र एनएमबि ५० रु ११.४२ कायम भएको थियो।

नेप्सेले समायोजित मूल्यका आधारमा आगामी आइतबार दोस्रो बजारमा यी स्टकहरुको कारोबार खुल्ने जनाएको छ।