Aug 30 2025 | २०८२, भदौ १४गते
काठमाडौं । यस साता शेयर बजार परिसूचक करिब १% (२३.०३ अंक) बढ्दै २७८१.०० विन्दुमा पुगेको छ । गत साता २७५७.९७ विन्दुमा बन्द भएको नेप्से यस साता बढ्दो अवस्थामा रहेर बन्द भएको हो ।
५ कारोबार दिनमध्ये ३ दिन बजार बढ्यो भने २ दिन घट्यो । यस साता सेन्सेटिभ इण्डेक्स ३.४२ अंक, फ्लोट इण्डेक्स १.२२ अंक र सेन्सेटिभ फ्लोट इण्डेक्स १.१७ अंक बढेका छन् ।
गत साताको तुलनामा कारोबार रकममा पनि वृद्धि भएको छ । दैनिक औसत कारोबार रकम ८.३८% बढेर ६ अर्ब ४५ करोड रुपैयाँ पुगेको छ । यद्यपि दैनिक औसत शेयर संख्या १७.२६% घटेको र कारोबार संख्या ४.८३% घटेको देखिन्छ ।
यस साता बजार पूँजीकरण पनि करिब १% वृद्धि भई ४६ खर्ब ४७ अर्ब रुपैयाँ पुगेको छ ।
१३ उपसमूहमध्ये १० उपसमूह बढ्दा ३ उपसमूह घटेका छन् । यस साता अन्य उपसमूह ४.५७% ले बढ्दै सर्वाधिक वृद्धि गरेको छ भने निर्जीवन बीमा उपसमूह १७३.३४ अंकले बढेको छ । घट्ने उपसमूहमा जलविद्युत (०.४२%), होटल तथा पर्यटन र वित्त रहेका छन् ।
यस साता नेप्सेमा ग्लोबल आइएमई समुन्नत योजना–२, छ्याङ्दी हाइड्रोपावरको हकप्रद, नेको इन्स्योरेन्सको बोनस शेयर र हिम स्टार उर्जा कम्पनीको आईपीओ सूचीकृत भएका छन् ।
कम्पनीतर्फ विकास हाइड्रोपावर लिमिटेडको शेयरमूल्य सर्वाधिक ६०.९८% ले बढेको छ भने आरबिबि म्युचुअल फण्ड १ को इकाई मूल्य १७.२७% ले घटेको छ ।
फ्लोरसिट विश्लेषणमा आरबिबिएल डिबेञ्चर २०८८, साल्ट ट्रेडिङ्ग, मध्य भोटेकोशी जलविद्युत मोस्ट पपुलर बाइ स्टक भएका छन् भने युनाइटेड अजोड इन्स्योरेन्स, नेपाल दूरसञ्चार, सिटिजन्स सुपर ३० म्युचुअल फण्ड मोस्ट पपुलर सेल स्टक बनेका छन् ।
© 2025 All right reserved to Nayasadak.com | Site By : Sobij
