Nov 27 2025 | २०८२, मंसिर ११गते
काठमाडौं । नेपाल धितोपत्र बोर्डले भुजुङ्ग हाइड्रोपावर लिमिटेडलाई साधारण शेयर (आइपीओ) निष्काशनका लागि अनुमति दिएको छ। बोर्डले कम्पनीलाई कुल २० लाख कित्ता सेयर बिक्री गर्न स्वीकृति प्रदान गरेको हो। उक्त आइपीओको बिक्री प्रबन्धकको जिम्मेवारी कुमारी क्यापिटलले वहन गर्नेछ।
यसैबीच, दुई कम्पनी—एनसी एग्रो टेक इन्डस्ट्रिज् र इलेक्ट्रो पावर कम्पनी लिमिटेड—ले पनि आफ्नो आइपीओ निष्काशनका लागि नेपाल धितोपत्र बोर्डमा आवेदन दिएका छन्।
एनसी एग्रो टेक इन्डस्ट्रिज्ले १०० रुपैयाँ अंकित दरमा १८ लाख ७५ हजार कित्ता सेयर जारी गर्न अनुमति मागेको छ, जसको बिक्री प्रबन्धकको काम ग्लोबल आइएमई क्यापिटलले गर्नेछ।
त्यस्तै, इलेक्ट्रो पावर कम्पनी लिमिटेडले १०० रुपैयाँ अंकित दरमा ८१ लाख २५ हजार कित्ता सेयर जारी गर्न अनुमति मागेको छ। यसमा बिक्री प्रबन्धकको भूमिका एनआइएमबि एस क्यापिटलले निर्वाह गर्नेछ।
© 2025 All right reserved to Nayasadak.com | Site By : Sobij
