काठमाडौं । केन्द्रीय अनुसन्धान ब्युरो (सीआईबी)ले सहकारी संस्थाको धितो मूल्यांकन प्रक्रिया संकास्पद भएको निष्कर्ष निकालेको छ । नेपाल राष्ट्र बैंकको कानुन महाशाखाले आयोजना गरेको कार्यक्रममा बैंकिङ कसुर अनुसन्धानसम्बन्धी प्रस्तुति दिएका सीआईबीका अधिकारीले सहकारी संस्थाहरूले कर्जा प्रवाह गर्दा मिलेमतोमा एक दिनमै धितोको मूल्यांकन गर्ने गरिएको बताएका हुन् ।
कर्जा प्रवाह गर्नुअघि पूरा गर्नुपर्ने सबै प्रक्रिया छोटो बाटोबाट पूरा गर्दै सहकारीहरूले कर्जा प्रवाह गरिरहेको अनुसन्धानबाट खुलेको प्रहरीको भनाइ छ । विधि र प्रक्रिया मिच्दै फास्ट ट्याकबाट स्वीकृत भएका कर्जाहरु शंकास्पद भएको सीआईबीकारीहरूको ठहर छ ।
सहकारी संस्थाले स्रोत नखुलेको रकमसमेत जम्मा गर्ने गरेको सीआईबीले जनाएको छ । विभिन्न स्रोतबाट एवं निक्षेपकर्ताबाट सहकारी संस्थाहरुमा जम्मा हुने रकमको स्रोत खुलेको देखिँदैन । स्रोत नखुलाई जम्मा भएको रकम आतंकवादी क्रियाकलापमा समेत लगानी हुनसक्ने जोखिम छ,’ सीआईबीको प्रस्तुतिमा भनिएको छ, ‘
