काठमाडौं । आज नेप्से २१.६७ अंकले घटेर २०९७.९३ विन्दुमा आएको छ । यस दिन ५ अर्ब २९ करोड रुपैयाँभन्दा बढीको सेयर कारोबार भएको छ । बुधबार उत्पादनमूलक समूहबाहेक बाँकी सबै समूह घटेका छन् ।
बुधबार ३१३ कम्पनीको १ करोड ४७ लाख कित्ता सेयर खरिदबिक्री भएको छ । सामलिङ पावर र मन्दाकिनी हाइड्रोपावरको सेयर सर्किट लेभल नजिक बढेर कारोबार भएको छ । हिमालयन रिइन्सुरेन्स कम्पनीको सबैभन्दा बढी ६३ करोड ८७ लाख रुपैयाँको सेयर कारोबार भएको छ ।
