काठमाडौं । सगरमाथा जलविद्युत कम्पनी लिमिटेडले चालु आर्थिक वर्षको दोस्रो त्रैमाससम्म ६ करोड ५९ लाख २८ हजार रुपैयाँ खुद नाफा कमाएको छ । यो गत वर्षको यसै अवधिको तुलनामा २१.९७ प्रतिशतले धेरै हो ।यस हाइड्रोपावरले पुससम्म १६ करोड ३३ लाख रुपैयाँ बराबरको विद्युत बिक्री गरेको छ ।यसको वित्तीय खर्च ५ करोड ३० लाखबाट बढेर ५ करोड ७६ लाख पुगेको छ । हाल सगरमाथाको चुक्ता पुँजी १ अर्ब १२ करोड रुपैयाँ रहेको छ । यसको रिटेन्ड अर्निङमा १२ करोड ३५ लाख जम्मा रहेको छ । यसअवधिसम्म आइपुग्दा कम्पनीको प्रतिसेयर आम्दानी १२ रुपैयाँ १३ पैसा र प्रतिसेयर नेटवर्थ १११ रुपैयाँ ३ पैसा छ ।
