काठमाडौं । नेपाल एसबीआइ मर्चेन्ट बैंकिङ लिमिटेड र कालिन्चोक दर्शनबीच व्यवसायिक सहकार्य गर्ने सहमतिपत्रमा माघ १८ गते हस्ताक्षर भएको छ । सहमतिपत्रमा कालिन्चोक दर्शन लिमिटेडका अध्यक्ष बालकृष्ण शिवाकोटीको उपस्थितिमा नेपाल एसबीआइ मेर्चेन्ट बैंकिङ लिमिटेडका प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेल र कालिन्चोक दर्शन लिमिटेडका प्रमुख कार्यकारी अधिकृत अशोक शिवाकोटीले हस्ताक्षर गरेका थिए ।उक्त सहमतिपत्रमा उल्लेख भए बमोजिम नेपाल एसबीआइ मर्चेन्ट बैंकमा डिम्याट खाता खोली सञ्चालन गर्दै आएका र आगामी दिन डिम्याट खाता खोल्ने नयाँ ग्राहकहरुलाई कालिन्चोक दर्शन लिमिटेडले सञ्चालन गरेको केबुलकार चढ्दा १० प्रतिशत विशेष छुट प्रदान गर्ने सहमति भएको हो ।
