काठमाडौं । एशियन लाइफ इन्स्योरेन्स कम्पनी लिमिटेडले बोनस शेयर वितरणपश्चात हकप्रद शेयर निष्कासन गर्ने भएको छ ।
कम्पनीले गत आर्थिक वर्ष २०७९/८० सम्मको मुनाफाबाट शेयरधनीहरुलाई ७ दशमल ७५ प्रतिशतका दरले बोनस शेयर वितरण गरेपश्चात ४२ प्रतिशत हकप्रद शेयर निष्कासन गर्ने घोषणा गरेको हो ।
माघ १९ गते बसेको कम्पनीको सञ्चालक समितिको बैठकले चुक्तापूँजी ५ अर्ब पुर्याउन बोनस शेयर वितरणपश्चात १ बराबर ०.४२ प्रतिशतका दरले हकप्रद शेयर निष्कासन गर्ने निर्णय गरेको हो । कम्पनीले बोनस शेयरमा लाग्ने कर प्रयोजनको लागि शून्य दशमलव ४०७ प्रतिशत नगद लाभांश पनि प्रस्ताव गरेको छ ।
