काठमाडौं । नेसनल लघुवित्त वित्तीय संस्थाको खुद नाफा ३५.५४% ले घटेर चालु आर्थिक वर्षको दोस्रो त्रैमासमा १० करोड ४१ लाख ९९ हजार रुपैयाँमा सीमित भएको छ । यसको खुद ब्याज आम्दानी सुधार भएपनि इम्पेयरमेन्ट चार्ज र कर्मचारी खर्चमा भारी वृद्धि भएपछि नाफा प्रभावित बनेको हो ।खुद ब्याज आम्दानी गत वर्षको तुलनामा ९.३३% ले बढेर ३५ करोड ३१ लाख ७७ हजार रुपैयाँ पुगेको छ । यता, इम्पेयरमेन्ट चार्ज ४२ लाख रुपैयाँबाट बढेर ३ करोड ९० लाख रुपैयाँ पुगेको छ । साथै, कर्मचारी खर्च पनि ६०.९०% ले बढेर २३ करोड ५५ लाख ५२ हजार रुपैयाँ पुगेपछि खुद नाफामा गिरावट आएको हो ।नेसनल लघुवित्तको सेयर पुँजी १ अर्ब ८ करोड ४२ लाख ६ हजार रुपैयाँ र रिजर्भ कोषमा १ अर्ब २६ करोड ४३ लाख ९२ हजार रुपैयाँ छ ।
