काठमाडौं । काठमाडौंको थापाथलीस्थित परोपकार स्त्री तथा प्रसूति रोग अस्पतालबाट बच्चा चोरी भएको छ ।
थापाथली प्रसुति गृहको रूपमा विशेषरूपमा परिचित यो अस्पतालबाट शुक्रबार एक जना महिलाले बच्चा चोरी गरी फरार भएकी हुन् ।
जिल्ला प्रहरी परिसर काठमाडौंका एसपी नवराज अधिकारीले जानकारी सार्वजनिक गरे अनुसार यो विषयमा अनुसन्धान भइरहेको छ ।
काभ्रे घर भई काठमाडौं बस्दै आएकी एक जना महिलाको २६ दिने छोरी चोरी भएको हो ।
अस्पतालमा एक जना महिलाले केहीबेर बोकिदिने भनेर बच्चा काँखमा लिएको र त्यसपछि बेपत्ता भएको जनाइएको छ ।
शुक्रबार दिउँसो १२ बजेतिर भएको सो घटनाको खबर प्रहरीलाई करिब १ बजेतिर गरिएको थियो । प्रहरीले अहिले ती महिलाको खोजी गरिरहेको छ
