काठमाडौं । सर्लाहीमा नकली नोटसहित पक्राउ परेका दुई जनालाई जेल चलान गरिएको छ । २३ वर्षीय अमरेन्द्र महरा र ३६ वर्षीय सञ्जय सहनीलाई सर्लाही जिल्ला अदालतले जेल चलान गर्न आदेश दिएको हो ।
गत माघ १८ गते उनीहरू दुवै जनालाई सर्लाहीको हरिवनबाट १ लाख ७२ हजार नकली नोटसहित पक्राउ गरिएको थियो ।प्रहरीले उनीहरूलाई प्रदेश २–०२७ नम्बर र बीआर ३० एसी ८३१८ नम्बरका मोटरसाइकलमा रहेका बेला पक्राउ गरेको थियो ।
उनीहरूको सम्बन्ध नकली नोट कारोबारीसँग हुन सक्ने आशंकामा प्रहरीले अनुसन्धान गरिरहेको छ ।सकली नोट अलि खस्रो र अंकहरू अलि उठेको जस्तो हुन्छ भने नकली नोट बढी चिप्लो हुन्छ ।
