काठमाडौं । पहिलो संसदले तोकेको राँगोको भन्सार राजस्व १ लाख बढी प्रतिशतले बढेको छ । अहिले भारतबाट पैठारी गरिने १ राँगोको भन्सार राजस्व ५ हजार ३सय ३३ बढी तोकिएको हो ।उतिखेर भैसी राँगाको निकासी पैठारी मूल्य दर बराबर थियो ।
६३ वर्ष पहिले तत्कालीन राजा महेन्द्रको छैटौँ वर्षको शासन कालमा संसदले बनाएको भंसार महसूल ऐन २०१७मा भैंसीको निकासी र पैठारी दुवै मूल्य ५ रुपैयाँ तोकिएको थियो ।
यो ऐन नेपाली कांग्रेसका संस्थापक नेता बीपी कोइराला प्रधानमन्त्री भएका बेला जनताबाट निर्वाचित पहिलो संसदले बनाएको थियो ।भारतमा निकासी गर्न र भारतबाट पैठारी गर्न यो मूल्य तोकिएको सो ऐनमा उल्लेख छ ।
चालु आर्थिक वर्ष २०८०/०८१को पहिलो आठ महिना फागुनसम्मको वैदेशिक व्यापारसम्बन्धी प्रतिवेदन अनुसार १५ राँगोको भन्सार राजस्व ८० हजार असुल गरिएको छ ।
यस आधारमा एक राँगोको भन्सार राजस्व ५ हजार ३ सय ३३ रुपैयाँ चानचुन हुन आउँछ । २०१७को अषाढ महिनामा तोकिएको भैंसीको पैठारी मूल्य ५ रुपैयाँलाई अहिलेको पैठारी मूल्य घटाएर ५को सन्दर्भ मानी हिसाब निकाल्दा यो मूल्य १ लाख ६ हजार ५सय ६० प्रतिशत हुन आउँछ ।
भैंसी राँगोको मूल्यको यो साधारण हिसाबको आधारमा पहिलो निर्वाचित संसदबाट अहिलेको संसदको भन्सार मूल्यको अध्ययन गर्दा यस्तो देखिएको हो । अहिले निकासी पैठारी सूची संख्या नै धेरै विशाल हुन पुगेको छ । त्यतिखेर नेपाल गजेटको दुई तीन पानामा पैठारी सूची अनुसूचीको रूपमा समावेश गरिएको छ ।
