सिरहा । सिरहामा प्रहरीले भन्सार छली गरेर लुकाएर राखिएको तरकारी बरामद गरेको छ। जिल्लाको माडर स्थित एक गोदामबाट भन्सार छलेर ल्याइएको प्याज र आलु बरामद गरेको हो।
सिरहा भन्सार कार्यालय माडर र सशस्त्र प्रहरी बल माडरको छेउमै रहेको गोदामबाट ५३ बोरा प्याज र २४ बोरा आलु बरामद गरेको छ। गोदाममा भारतबाट अवैधरुपमा भन्सार छली चोरी पैठारी गरी ल्याइएको तरकारी रहेको गोप्य सूचना पाएपछि प्रहरीले छापा मार्ने क्रममा ठूलो परिमाणमा आलु र प्याज फेला परेको प्रहरीले जनाएको छ। उक्त परिणामको अवैध प्याज र आलुको मूल्य करिब दुई लाख रुपैयाँ बराबरको रहेको प्रहरीले जनाएको छ।
