काठमाडौं । हिमाल आरोहण गर्नेहरुबाट सरकारले करिब डेढ महिना अर्थात मार्च एक देखि अप्रिल १० सम्म ३४ करोड बढी रोयल्टी उठाएको छ । विभिन्न १९ वटाहिमाल आरोहण गर्नेहरुबाट सो अवधिमा ३४ करोड बढी रोयल्टी उठाएको हो ।
पर्यटन विभागकाअनुसार १९ वटा विभिन्न हिमाल आरोहण गर्ने ५१२ जनाबाट ३४ करोड ४३ लाख ९९ हजार ६५६ रुपैयाँ रोयल्टी संकलन भएको छ ।भागकाअनुसार सो अवधिमा सबैभन्दा धेरै रोयल्टी सगरमाथाबाट उठेको छ । सगरमाथा आरोहणको लागि २०९ जनाबाट २९ करोड ७५ लाख २८ हजार ५३५ रुपैयाँ, ल्होत्सेको लागि ५५ जनामार्फत १ करोड ३१ लाख ७८ हजार १४२ र मकालुको लागि ४५ जनामार्फत १ करोड ७ लाख ७४ हजार ८ सय रुपैयाँ रोयल्टी आम्दानी भएको छ ।
सोहीगरी सो अवधिमा आमादब्लम ६६ जना, अन्नपूर्ण २५ जना, कञ्चनजंघा ३१ जना, धौलागिरी १५ जना, जुगल १ र २ मा २२ जना र लिंगत्रेन हिमाल ११ जनाले आरोहण गर्नको लागि रोयल्टी बुझाएकाे शाखा अधिकृत दिलिपकुमार महर्जनले जानकारी सार्वजनिक गरेका छन् ।
