Apr 04 2025 | २०८१, चैत २२गते
काठमाडौं । प्रहरीले सर्वाधिक खोजी सूचीमा रहेका कुख्यात अपराधी शेख नुरुल्लाह १० महिनापछि पक्राउ गरेको छ ।
जिल्ला प्रहरी कार्यालय रौतहटले आइतबार पत्रकार सम्मेलन गरी रौतहट देवाही गोनाही नगरपालिका– १ घर भएका ५२ वर्षीय शेख नुरुल्लाहलाई सार्वजनिक गरेको हो।
प्रहरीले जनाए अनुसार अपराध क्षेत्रको मास्टरमाइण्डका रुपमा कुख्यात नुरुल्लाहलाई रौतहटको राजदेवी नगरपालिका– ८ लक्ष्मिपुर बेलविछवा चोक नजिकैको नेपाल–भारत सीमावर्ती क्षेत्रबाट पक्राउ गरिएको छ ।
२०८० जेठ ११ गते मध्य राति साढे १२ बजेको समयमा देवाही गोनाही नगरपालिका– १ करुनिया गाउँमा ७८ वर्षीय शेख तैयवलाई शेख नुरुल्लाहको आदेशमा सोही स्थानका शेख शेराज, शेख सद्दाम भन्ने खलिउल्लाह र भारतीय नागरिक राकेशकुमारले गोली हानी हत्या गरेको प्रहरीले जनाएको छ ।
शेख शेराज र भारतीय नागरिक राकेश कुमारलाई पक्राउ गरी कर्तव्य ज्यान मुद्दामा पुर्पक्षका लागि कारागारमा छन् भने मुख्य योजनाकार नुरुल्लाह र उनका भाई खलिउल्लाह फरार रहँदै आएका थिए।
© 2025 All right reserved to Nayasadak.com | Site By : Sobij
