काठमाडौं । नेपाली कांग्रेसका सभापति शेरबहदुर देउवाले लगानीको सुरक्षाको ग्यारन्टी गर्नुपर्ने बताएका छन् । आइतबारदेखि सुरु भएको तेस्रो लगानी सम्मेलनको उद्घाटन सत्रमा प्रमुख प्रतिपक्षी दलका नेता देउवाले आफ्नै पालामा आर्थिक सुधार सुरु भएको बताउँदै लगानीको सुरक्षाको ग्यरान्टी गर्नुपर्ने बताएका हुन् ।
नेपाललाई लगानीकर्ताको गन्तव्य बनाउने विषयलाई आफ्नो नेतृत्वको सरकारले प्राथमिकतामा राखेको बताउँदै देउवाले वैदेशिक लगानीको प्रसतावलाई सबै मिलृर जानुपर्ने बताए ।खुला अर्थतन्त्र आफ्नो पार्टीको मूलमन्त्र भएको भन्दै लगानी सम्मपेलनमा देउवाले भारत र चीनबाट लाभ लिन नेपालले ढिला गर्न नहुने बताए ।
