Apr 03 2025 | २०८१, चैत २१गते
काठमाडौं । चितवनको भरतपुर महानगरपालिका २६ दद्रेनी नजिकै विद्यार्थी लिन गएको स्मल हेभन स्कुल कल्याणपुरको बसमा आगजनी गरिएको छ ।
विद्यालयले दिएको जानकारी अनुसार चनौली, द्रद्रेनी, शुक्रनगर पटिहानी हुँदै विद्यार्थी लिन गएको बागमती प्रदेश ०६ ००१ क ००४५ नम्बरको बसमा ६ जनाको एक अज्ञात समूहले आगजनी गरेर भागेको हो ।
तीनवटा मोटरसाइकलमा आएका ६ जनाको समूहले बसमा पेट्रोल छर्किएर आगो लगाइ फरार भएका छन् ।बस जलेर पूर्ण रुपमा क्षति भएको छ ।
जिल्ला प्रहरी कार्यालय चितवनले घटनास्थलमा आगो निभाउन र थप अनुसन्धानका लागि प्रहरी टोली परिचालन गरिएको जानकारी सार्वजनिक गरेको छ । प्रहरीका अनुसार घटनाको थप अनुसन्धान भइरहेको छ ।
© 2025 All right reserved to Nayasadak.com | Site By : Sobij
