काठमाडौं । नेपाल राष्ट्र बैंकले समग्र अर्थतन्त्रको ताजा परिदृश्य सार्वजनिक गरेको छ । राष्ट्रबैकले आइतबार सार्वजनिक गरेको ९ महिनामा मुद्रा स्फिती घटेको जनाएको हो ।बैंकको आर्थिक अनुसन्धान विभागले चैत महिनासम्म सार्वजनिक गरेको प्रतिवेदन चालु आर्थिक वर्ष २०८०/८१को ९ महिनामा उपभोक्ता मूल्य सूचांकमा आधारित मुद्रा स्फिती ४.६१ प्रतिशत रहेको छ । यस्तै कुल वस्तु व्यापार घाटा सो अवधिमा २.८ प्रतिशतले घटेको छ । राष्ट्र र्बैकले २.८ आयात र निर्यात ३.७ प्रतिशतले घटेको जनाएको हो ।
सोही अवधिमा रेमिट्यान्स विप्रेषण आप्रवाह १९.८ प्रतिशत नेपाली रुपैयाँमा र अमेरिकी डलरमा सो व्रिप्रेषण आप्रवाह १७.७ प्रतिशतले बढेको छ भने शोधनान्तर स्थिति ३ खर्ब ६५ अर्ब १६ करोड बचतमा रहेको छ ।केन्द्रीय बैंकका अनुसार विदेशी विनिमय सञ्चितिमा १९ खर्ब ११ अर्ब ६८ करोड नेपाली रुपैयामा र अमेरिकी डलरमा १४ अर्ब ३६ करोड रहेको छ ।सार्वजनिक गरे अनुसार सरकारको खर्च ९ खर्ब ९ अर्ब ३९ करोड र राजस्व परिचालन रु ७ खर्ब ४८ अर्ब ४ करोड रहेको छ ।
केन्द्रीय बैंकको प्रतिवेदन अनुसार बैंक तथा वित्तीय संस्थाहरूको निक्षेप संकलन ७.२ प्रतिशतले बढेको छ । निजी क्षेत्रमा प्रवाहित कर्जा ४.६ प्रतिशतले बढेको छ । वार्षिक बिन्दुगत आधारमा निक्षेपको वृद्धिदर १२.५ प्रतिशत निजीक्षेमा प्रवाहित कर्जाको वृद्धिदर ४.९ रहेको प्रतिवेदनमा उल्लेख छ ।
