काठमाडौं । बिजनेस इन्ट्रेस्ट ग्रुप अफ इण्डष्ट्रिजले ४५ लाख कित्ता आइपीओ जारी गर्ने भएको छ । कम्पनीले प्रतिकित्ता १ सय अंकित मूल्यमा ४५ करोड रुपैयाँ बराबरको आइपीओ जारी गर्न लागेको हो । उक्त आइपीओ निष्कासनको लागि यस कम्पनीले कुमारी क्यापिटललाई बिक्री प्रबन्धकको रुपमा नियुक्त गरेको छ ।
यी दुई कम्पनीबीच भएको सम्झौतामा बिजनेश इन्ट्रेस्ट ग्रुपकातर्फबाट सञ्चालक समितिका अध्यक्ष नवराज बुर्लाकोटी तथा कुमारी क्यापिटलकातर्फबाट प्रमुख कार्यकारी अधिकृत पुष्प शर्माले हस्ताक्षर गरेका छन् । कम्पनीले कृषि क्षेत्रको व्यवसायिकता र दिगोपना, उत्पादन प्रवद्र्धन, उत्पादकत्व बृद्धि तथा बजार सुनिश्चितताको लागि काम गरिरहेको छ ।
