काठमाडौं ।राष्ट्रिय अनुसन्धान विभागमै नकली शैक्षिक प्रमाण पत्र पेस गरी जागिर खाएका हेमन्त चौधरीविरुद्ध भ्रष्टाचार मुद्दा दर्ता गरिएको छ । अख्तियार दुरुपयोग अनुसन्धान आयोगले आइतबार चौधरीविरुद्ध विशेष अदालतमा मुद्दा दायर गरेको हो ।
अख्तियारले राष्ट्रिय अनुसन्धान विभागअन्तर्गत उप–अनुसन्धान निर्देशक पदमा कार्यरत हेमन्त चौधरीले मगध विश्वविद्यालय, बोधगया भारतबाट स्नातक उत्तीर्ण गरेको भनी नकली शैक्षिक योग्यताको प्रमाण पत्र पेस गरेको जनाएको छ ।
सेवा प्रवेशका साथै बढुवाको लागिसमेत नकली शैक्षिक प्रमाण पत्र पेस गरेको अख्तियारको दाबी छ ।अख्तियारले नकली शैक्षिक प्रमाण पत्रका आधारमा सरकारी ओहोदा, लाभ र सुविधा प्राप्त गरेको हुँदा चौधरीलाई कैद र जरिवाना सजायको मागदाबी गरेको छ ।
