काठमाडौ । गर्मी बढेसंगै राजधानीका स्विमिङ पुल खचाखच भरिएका छन । पछिल्लो केही दिनयता काठमाडौंमा गर्मी अत्यधिक बढेको छ । जेठ ३१ गते राजधानीमा नौ वर्ष यताकै अत्यधिक तापक्रम मापन गरियोे । गर्मीको बेला स्वीमिङ खेल्दा शारीरिकदेखि मानसिक स्वास्थ्यमा समेत फाइदा पुग्ने हुँदा सरकारी तथा निजी संस्थाले चलाएका स्विमिङ पुलमा घुइँचो बढेको छ । बज्रबाराहीमा रहेको फुलबारी स्विमिङ पुलमा घुइँचो बढेको प्रशिक्षक संजय श्रेष्ठ ले बताए ।
सामान्य दिनमा २५० देखि ३०० जना ले सेवा लिईरहेको उनले नयां सडकलाई बताए । विगत दश वर्षदेखि चलिरहेको उक्त पुलले एक जनाको ३५० र दश वर्ष मुनिकालाई २५० का दरले पौडी सेवा उपलब्ध गराइरहेको छ । तर स्विमिङ सिक्न चाहनेहरुका लागि छुट्टै प्याकेजको व्यवस्था गरेको छ । ग्रुपमा आउनेका लागि पनि विशेष छुटको व्यवस्था रहेको प्रशिक्षक श्रेष्ठले बताए । प्रशिक्षक श्रेष्ठका अनुसार योपटक धेरै स्कुलका विद्यार्थीले सेवा लिएको जनाए ।
