Jun 07 2025 | २०८२, जेठ २४गते
काठमाडौं । राजस्व अनुसन्धान विभाग एक पछि अर्को गर्दै विवादमा तानिएको छ । राजस्व अनुसन्धान विभागको महानिर्देशकको कमाण्ड चक्रबहादुर बुढालेको दुई महिना पनि नपुग्दै राजस्व अनुसन्धान विभाग विवादमा तानिएको हो ।
यसअघि नया सडकले जेठ ८ गते नैे ‘...महानिर्देशकद्वारा अदृश्य शक्ति परिचालनको हल्लाले बजार त्रसित’ शीर्षकमा समाचार प्रकाशित गरिसकेको थियो । यस्तो छ त्यसबेला प्रकाशित भएको समाचार पूर्णपाठ पढ्नुहोस् ।
समाचार आएको एक महिना बितिसक्दा पनि महानिर्देशक बुढा नसुध्रिँदा राजस्व अनुसन्धान विभाग अत्यन्तै बदनाम भएको छ । अन्ततः अदृश्य शक्ति परिचालन भएको कुरा आज मंगलबार संसदमा समेत कुरा उठेको छ ।
घर मिलाउन अक्षम बुढा
राजस्व अनुसन्धान विभागका महानिर्देशक चक्रबहादुर बुढाले घर मिलाउन नसक्दा अन्ततः राजस्व अनुसन्धान विभाग झन् बदनाम हुन पुगेको छ । पोल्टाको सम्हाल्नुको साटो भूइँको टिप्न खोज्दा महानिर्देशक बुढा झन् समस्यामा परेका छन् । महानिर्देशक बुढाले राजस्व अनुसन्धान विभागका अनुसन्धान शाखाहरूमा कार्यरत निर्देशकहरू तथा शाखाहरूमा कार्यरत कर्मचारीहरू र विभाग अन्तर्गतका चारवटा कार्यालयमा कार्यरत प्रमुख र कर्मचारीहरूलाई विश्वासमा लिई समानुपातिक ढंगले कामको बाँडफाँट तथा वितरण गर्न नसक्दा विभाग असन्तुलित थियो । बुढाले घरभित्रका परिवारलाई विश्वासमा लिई समानुपातिक ढंगले कामको बाँडफाँट गर्नुमा सेटिङमा बाहिरबाहिरै अदृश्यशक्ति परिचालन गर्दा सन्तुलन झन् बिग्रियो र विभागको साख झनै गि¥यो ।
बजार झनै त्रसित
राजस्व अनुसन्धान विभागको पछिल्लो क्रियाकलापले देशभरका उद्योगी व्यवसायी झनै त्रसित बनेका छन् । राजस्व अनुसन्धान विभागको टोलीले बिना अध्ययन अनुसन्धान मनलाग्दी रुपमा छापा हान्ने, फोन गर्दै उद्योगी व्यवसायीलाई तर्साउने ,विभिन्न भन्सार बिन्दुबाट जाँचपास भएर छुटेका गाडीहरू राजस्व अनुसन्धानमा ल्याउने र अतिरिक्त पैसा तिराउने कार्यले आर्थिक सुस्ताका कारण शिथिल बनेको बजार झन् आतंकित बनेको छ ।
© 2025 All right reserved to Nayasadak.com | Site By : Sobij
