Nov 14 2025 | २०८२, कात्तिक २८गते
काठमाडौं । चालु आर्थिक वर्ष सकिन लागिरहेका बेला हालसम्म दर्जन भन्दा बढी मन्त्रालयको पुँजीगत खर्च ४० प्रतिशत पनि ननाघेको छ ।अन्तिम साता मात्र बाँकी रहिरहेका बेला सरकारका दर्जन बढी मन्त्रालयमा अझ ६० प्रतिशत भनदा बढी पुँजीगत खर्च बाँकी रहेको हो ।
चार मन्त्रालयको पुँजीगत खर्च २० प्रतिशत पनि कट्न नसकेको देखिएको छ । २० प्रतिशत पनि खर्च नकटाउने मन्त्रालयमा महिला बालबालिका तथा ज्येष्ठ नागरिक, सञ्चार तथा सूचना प्रविधि, उद्योग वाणिज्य तथा आपूर्ति मन्त्रालय छन् ।यी मन्त्रालयको पुँजीगत खर्च क्रमशः १०.५०, ११.५८ र १६.९७ प्रतिशत मात्र भएको देखिएको छ ।
३० प्रतिशत पनि खर्च नकटाउने मन्त्रालयको संख्या ३ वटा छन् । जसमा अर्थको २७.६०, प्रधानमन्त्री तथा मन्त्रिपरिषद् कार्यालयको २७.६१ र शिक्षा, विज्ञान तथा प्रविधि मन्त्रालयको खर्च २७.९४ प्रतिशत छ ।
सबैभन्दा बढी खर्च गर्ने मन्त्रालयमा रक्षा पर्छ । यस मन्त्रालयका लागि चालु आर्थिक वर्षमा ५ अर्ब ६७ करोड १२ लाख रुपैयाँ विनियोजन भएको थियो । यसमध्ये मन्त्रालयले ४ अर्ब ६३ करोड ४२ लाख रुपैयाँ खर्चिएको छ ।अर्थात् कुल विनियोजितमा मन्त्रालयले ८१.७२ प्रतिशत खर्च गरेको हो ।
© 2025 All right reserved to Nayasadak.com | Site By : Sobij
