काठमाडौं । कामना सेवा विकास बैंकको खुद नाफा करिब ६७ प्रतिशतले बढेको छ । यसअवधिमा बैंकको खुद नाफा ६६.९३ प्रतिशतले बढेर ६० करोड ३२ लाख १७ हजार रुपैयाँ पुगेको छ ।यसअवधिमा खुद ब्याज आम्दानी २.७८ प्रतिशतले बढेर २ अर्ब १२ करोड ५२ लाख १७ हजार रुपैयाँ पुगेको छ । खुद ब्याज आम्दानी सामान्य बढेपनि इम्पेयरमेन्ट चार्ज घट्दा यसको खुद नाफा राम्रोसँग बढेको हो । १ वर्षको अवधिमा यसको इम्पेयरमेन्ट चार्ज ४१.८३ प्रतिशतले घटेर ३० करोड ४० लाख ४५ हजार रुपैयाँमा आएको छ । असार मसान्तसम्म आइपुग्दा यसको चुक्ता पुँजी ३ अर्ब २८ करोड ११ लाख ६४ हजार रुपैयाँ छ । नाफासँगै प्रतिसेयर आम्दानी पनि बढेको छ । प्रतिसेयर आम्दानी ७ रुपैयाँ ३७ पैसाले बढेर १८ रुपैयाँ ३८ पैसा पुगेको छ ।
