काठमाडौं । सरकारले राष्ट्रिय योजना आयोगका उपाध्यक्षसहित सातै जना सदस्य नियुक्त गर्ने निर्णय गरेको छ ।सिंहदरबारमा बिहीबार बसेको मन्त्रिपरिषद बैठकबाट राष्ट्रिय योजना आयोगको उपाध्यक्षसहित सातै जना सदस्य नियुक्त गर्ने निर्णय गरिएको हो ।
उपाध्यक्षमा त्रिभुवन विश्वविद्यालयका अर्थशास्त्र केन्द्रीय विभाग प्रमुख शिवराज अधिकारीलाई नियुक्त गरिएको स्रोतको भनाइ छ ।अधिकारी यसअघि योजना आयोग सदस्यमा मनोनीत भएका थिए।
आयोगका सदस्यहरूमा आरपी विच्छा, रमेश सिंह, प्रकाश श्रेष्ठ, गीताकुमारी पौडेल, जयबहादुर टण्डन र गंगादत्त अवस्थी नियुक्त भएका हुन् ।
